Blues chakna Rogers leh Pedro

Xabi Alonso enkawl Chelsea chuan Inrinni zan khan pre season-a an match hnuhnung berah Real Sociedad 3-1 in an hneh a, Morgan Rogers-a'n a club thar tana a goal hmasa ber a khung bakah Joao Pedro-a'n goal hnih a khung bawk a, Spanish club tan Jon Aramburu goal khungin awmzia a nei thui lo.

Kum 24 mi Rogers hi pound maktaduai 117 man zet a nih avangin, inkhelh hma hauhin pressure a nei nghal. Mahse Premier League an khelh ṭan hmaa a goal hmasa ber a khung bakah, a team a chakpui avangin inringtawk takin season bul a ṭan thei ang.

Stamford Bridge-a inkhelah Rogers bakah Blues player thar zingah Maxence Lacroix leh Marco Palestra ten bul an ṭan a, Pep Chavarria chu second half-ah substitute aṭangin a lut bawk.

Geovany Quenda chu squad-ah awm mah se bench-ah a ṭhu tluan a, Danny Welbeck, Valentin Barco, Emmanuel Emegha, Dastan Satpaev leh Jordan Henderson te hmuh tur an awm lo.

Chelsea hian February 24, Thawhlehni zan dar 12:30-ah Fulham nen season thara an match hmasa ber khelin an inhmachhawn dawn a, team pahnihte hi nipui laia thawm nei lian an nih avangin chak loa bul ṭan an duh lo ang.