Spurs-in Vicario an chhuahtir

Tottenham Hotspur chuan an goalkeeper Guglielmo Vicario chu Juventus-ah loan-in an chhuahtir a, Serie A club hian an duh chuan a nghetin an la lut zui thei ang.

Kum 29 mi keeper man hi a to dawn lo a, Juve hian an la lut duh a nih chuan pound maktaduai 8.6 an sen a ngai dawn a ni - Juve hian Aston Villa keeper Emiliano Martinez an ngaihven reng a, a tawpah chuan Vicario zawk an la lut ta.

Vicario hi Spurs number 1 keeper ni ṭhin mah se, manager Roberto de Zerbi chuan Antonin Kinsky chungah rinna a nghat a, season tharah pawh Kinsky hi first choice keeper a nih tur thu a sawi chiang tawh.

Hei mai a ni lo - Spurs hian Burnley keeper tawnhriat nei ṭha Martin Dubravka chu free transfer-in an la lut tawh bawk a, kum 2023-a Empoli aṭanga pound maktaduai 17.2-a Spurs zawmtu Vicario tan chhuah hi thutlukna fing a ni.