Atletico tan Alvarez khel dawn

Tun season La Liga chu August 15, Inrinni aṭangin khelh ṭan a ni a, zanin dar 12:30 hian Atletico Madrid-in Malaga an mikhual ang. Season liam ta khan Atletico hi palina an ni a, tun season-ah Diego Simeone hote hian champion lai Barcelona leh Real Madrid el phak an tum dawn a ni.

Nipui bazar a inṭan khan Barcelona leh Real ten sum ṭhahnem takin Julián Alvarez an lakchhuah an tum a, Atletico-in chhuah an remti lo. Argentine forward hi chhuak thei dinhmuna ding ni mah se nimin tlai khan Diego Simeone-a'n a chhuah loh tur thu a tichiang.

Argentina manager Simeone chuan, "Club neitu lamin an dinna an tihchian chuan, rinhlelh tur awmin a lang tawh lo. Court ang a ni a, judge-in thutlukna a siam tawh avangin engkim a chiang tawh," tiin Alvarez a cham tur thu a sawi.

Chutihrualin Malaga hmachhawn turin Alvarez hi a la inpeih lo thung. Simeone chuan, "Tuna inkhel nghal tur chuan a la inpeih lo a, mah se ni li hnuah chuan kan beisei ang a nih tawh ka ring," tiin a sawi.

Atletico hian Malaga zawh hian August 23, Pathianni zan dar 8:30-ah Villarreal an hmachhawn lehnghal dawn a, Alvarez pawh a inpeih tawh a rinawm.