I Day Tennis tournament zo fel

Aizawl District Tennis Association (ADTA) buatsaih Inter Club Independence Day Tennis Tournament 2026 chu August 10-14, 2026 chhung khan hlawhtling taka neih a ni.

Tennis inelna hi club inelna niin club panga Aizawl Tennis Club (ATC), Bethlehem Vengthlang Tennis Club (BVT), K-12, Mizoram Police Tennis Club (MPTC) leh Ramhlun Tennis Club (RTC) te an tel.

Ramhlun Tennis Club-in team nga thawh chhuahpuiin an thawh hnem ber a, an dawtah Aizawl Tennis Club awmin team li an thawh. Mizoram Police Tennis Club-in team hnih thawhin , Bethlehem Vengthlang Tennis Club leh K-12 ten team khat ve ve an thawh bawk.

Player 70 ten he tournament hi an khel a, ATC leh RTC te final-ah inhmachhawnin point 57 hmutu ATC an champion.