ISL-ah club 13

Diamond Harbour-in ISL khel dawn lo mah se, club 13-in inelna an la hmachhawn dawn tho - Churchill Brothers an inlan dawn vang a ni a, club tihtawp tak Jamshedpur FC hmun ruak an luah ang.

Jamshedpur FC-in ISL an khel dawn lo tih an tihchian hnuah, an hmun ruakah Churchill Brothers an awm dawn a, Goan club hian JFC-a 100% stake chu Rs. 100-in an lei!

JFC hian club an tihtawp tawh dawn tho avangin, ISL-a an hmun chu midang an kian tihna a ni ber a, an hralhna sum pawh 'a hming' ve lek ang chauh a ni - ISL inlan theihna licence an neih chu Churchill ta a ni dawn ta tihna a ni.

Men of Steel hian rin loh takin ISL an khelh chhunzawm loh tur thu tun hnai khan an puang a, AIFF executive committee meeting chuan, JFC hi an ngaihtuahna seng ṭha tura tiin, August 12 thleng hun an pe zui.

Mahse, JFC neitu Tata Steel chu an dinna ngaiah an ding a, an hmun ruak hi Churchill Brothers an kian ta a ni. Goan club hian JFC-a contract nei lai player 12 leh coach pahnihte chu an club-ah an seng lut nghal ang.