Durand Cup final-ah East Bengal

East Bengal chuan Durand Cup-ah final an lut a, Nilaini zan khan SC Delhi chu penalty-ah 5-3 in an hneh a, nizana NorthEast United leh Mohun Bagan inkhela chak zawk nen final an khel ang.

East Bengal leh SC Delhi te hian goal an khung thei lo ve ve a, 0-0 in an inhnehtawk. Durand Cup-ah extra time khelh a nih loh avangin penalty hmanga chak zawk zawn a ni zui a, Delhi tan player pahnihin an hlah laiin, East Bengal tana pettuten an chhuih lut vek thung - Kolkata club tana pettu zingah Lalchungnunga a tel.

Delhi club tan Lalrinliana Hnamte chuan inkhel bul ṭanin, East Bengal tan Edmund Lalrindika chuan inkhel bul ṭanin, Lalchungnunga leh David Lalhlansanga te bench aṭangin an lut bawk.