Witsel-a'n Nice a pan

Belgian midfielder Axel Witsel chuan French club Nice chu a thlawnin a pan a, kum 37 mi midfielder hian top flight league khel zel turin thutlukna a siam.

Borussia Dortmund midfielder hlui hian season hmasa khan Girona tan a khel a, a kum tam ve deuh tawh mah se rinrawl a la ni thei a, match 32 zet khelhsakin La Liga an inhamtan theih nan a player pawimawh a ni.

Kumin World Cup khelh zawh takah pawh an ramin an la ko a, substitute aṭangin vawi hnih a lut ve. Witsel hi Belgium Golden Generation-ah khan telin ram tan match 140 zet a khel tawh.

Nice hian Lorient aṭanga an lak luh Laurent Abergel chu a inhliam a, a hmun ruak hnawh khahna turin Witsel hi an laah a ngaih theih. Inrinni zana an match hmasa ber an khelh hunah a inlan theih a rinawm.

Europe club hrang hrang Benfica, Zenit Saint Petersburg, Borussia Dortmund leh Atletico Madrid-ah te a khelh tawh bakah Chinese Super League hial a khelh tawh avangin a tawnhriat hi Ligue 1 club tan a ṭangkai ang.