Siami telna India an kal zel

Arjuna Award dawng tur Lalremsiami telna, India hmeichhe hockey team chuan World Cup-ah second round an lut der a, Ningani zan khan England chu 0-0 in an inhnehtawkpui.

India hian England an hmachhawn hma hian China (2-2) inhnehtawkpuiin, South Afrcia (6-1) an lo sawp tawh bawk a, hei vang hian India tan England nena in draw hi second round luh nan a tawk.

Group stage-ah hian group paliah, team pali ṭheuh awmin an inṭhen a, group tina a sang pahnihte chuan second round hi an lut - second round-ah hian group pahnihah, team pali ve ve awmin ṭhen hran leh an ni a, group-a a sang pahnihten semifinal an lut leh dawn a ni.

Mahse, India hi second round-ah Netherlands, China leh Australia te nen an awm ho a, China nen hian an inkhel nawn tawh dawn lo - group stage-a an inhmachhawn tawhna kha chhiar sa a ni a, an in draw avangin pount khat an nei sa ve ve tihna a ni.

Team pahnih tan semifinal lut turin point thum hmu sa Netherlands hneh a pawimawh dawn tihna a ni a, India hi nizan khan Netherlands nen hian inkhelin, an result kan hre hman lo.