Mizo fighter-te zaninah inlan dawn

South India-a professional fight night lian ber, Legacy Fighting Championship 2 chu zanin hian neih a ni dawn a, he hunah hian Mizo fighter ṭha pahnih Lalnunsanga leh Lalramhlimpuii te an inlan dawn.

Chawnpui/Khawzawl tlangval Lalnunsanga hian professional fight vawi hnih a hmachhawn tawhah tlawm a la nei lo a, Delhi pro fighter ṭha Dushyant Singh a hmachhawn dawn - an in fight-na tur hi bantamweight niin, co-main event tur a ni ang.

Hyderabad-a neih tur fight night-ah hian, Lunglei nula Lalramhlimpuii pawhin strawweight-ah fight a hmachhawn dawn a, professional fight vawi hnih a hmachhawnna tur niin, amateur lama international medalist Fathima Afshan nen an in fight dawn.

Sanga hi MISMA affiliated club SPES-a training a ni a, Puipuii hi Elbruz-a training a ni ve thung. Mizo fighter-te hi coach Lalramsangliana'n a hruai dawn a ni - fight hi zan dar 6:00-ah ṭan tur niin, LockerRoom India youtube channel-ah en theih a ni ang.

Hetihlai hian Mizoram State Mixed Martial Arts Association (MISMA) official-te chu Aturto 4.2-ah official niin an inlan dawn bawk. India rama professional fight night lian berte zinga mi, flyweight title belt leh cheng nuai nga inchuhna tur Aturto 4.2-ah hian International R&J leh MISMA general secretary Samuel Lalrozama chu Event Commissioner a ni dawn.

Itanagar-a neih tur figh night-ah hian Samuel-a bakah, National R&J leh MISMA treasurer Lalṭhakima leh MISMA executive committee member Lalchhuanmawia te chuan Referee leh Judge hna an thawk dawn bawk a ni.