Mohun Bagan-in final lut

Durand Cup-ah final duhthusam kan hmu dawn e - Mohun Bagan chuan semifinal-ah NorthEast United an hneh a, final an lut. Final-ah hian East Bengal nen an inhmachhawn dawn a, Kolkata derby kan hmu dawn tihna a ni.

East Bengal-in 0-0 a SC Delhi an inhnehtawkpui hnuah, penalty-a hnehna changin final an lut a, Bagan tan thawnthu a danglam lo. Ningani zan khan NorthEast United nen semifinal an khel a, 0-0 a an inhnehtawk hnuin, penalty-ah 4-3 in an chak.

Bagan tan penalty pettuten an chhuih luh vek laiin, Highlander lamah pahnihin an hlah a, a tawpah Kolkata club an chak ta a ni - Bagan tan Lalengmawia Ralte (Apuia) chuan inkhel bul ṭanin, Lallianzuala Chhangte chu bench aṭangin a lut bawk.

LZa hian tun nipui transfer-ah Mumbai City chhuahsanin, Mohun Bagan hi a zawm a, a kut hliam vangin a inlan lawk thei lo. Ningani zanah minute 79-naah luhtir a ni a, Kolkata club tana a match hmasa ber a khel.

August 23, Pathianni tlai dar 5:00-ah Durand Cup final hi an khel dawn a, Sony-ah live-in a theih ang.