August 23-ah India Vs Sri Lanka

India leh Sri Lanka chuan Test match vawi hnih an khelh tura vawi hnihna chu August 23-27, 2026 chhung hian SSC cricket ground, Colombo-ah an khel dawn.

Test match vawi khatnaah India an chak a, Men in Blue hian bat hmasain first innings-ah Devdutt Padikkal-a'n run 167 a siam avangin mikhual team hian run 462 an siam. Lions-in run 284 chauhin an chhanglet a, second innings-ah India-in run 193 chauh siam mah se mualneitu tana target an chhawp chu run 372 a ni pha tho.

Sri Lanka-in run tam an siam thei lo a, run 206 siamin an thi fai vek. India hian run 165 in hnehna an chang a, second Test-ah pawh chak nawn ngei an tum ang.