Ryabakina a inhliam

Elena Rybakina-i'n hmeichhe tennis ranking-ah pakhatna dinhmun hauh theihna hun ṭha nei mah se Cincinnati Open quarterfinal-ah Iga Swiatek hmachhawnin hliam vangin a khel tluan thei lo.

Kazakh nula Rybakina hi world no. 2 a ni mek a, Aryna Sabalenka chunga awm turin final thlen a tawk. Mahse, Austrialian Open champion hian nimin khan Swiatek a hmachhawnin a ke rek vei lamah hliam a tuar avangin a khel zo thei lo.

Rybakina hi 4-1 in set hmasa berah a chak lo mek a, medical time out a lak hnuah khelh chhunzawm loh a thlang ta zawk. Kazakh nula chuan, "Inkhelh hma kha chuan ka ṭha a, mah se ka rah sual avangin hliam ka tuar," tiin inkhelh laia hliam a nih thu a sawi.

Swiatek hian kar liam ta khan Canadian Open final-ah pawh Rybakina hi a hneh tawh a, vawiin hian semifinal-ah seeded no. 3 Jessica Pegula a hmachhawn ang.