Wharton-a'n Palace a chhuahsan lo ang - Pierre Sage

Crystal Palace manager thar Pierre Sage chuan tun nipui bazarah Adam Wharton a chhuah loh tur thu a sawi. Eagles hian zanin dar 7:30 hian tun season Premier League-a an match hmasa berah Everton an tlawh dawn.

Sage chuan, "Player lian kan hralh a, tunah chuan kan kalphung thlak a ṭul. Adam hi player ṭha tak a ni a, club liana khel thei tur a ni. Mahse, kan bulah season ṭha tak hman hi a la mamawh a, keini pawhin kan mamawh," tiin a sawi.

Palace hian Maxence Lacroix (£52mtd) bakah Brennan Johnson te tun nipuiah an chan a, season liam ta khan Arsenal leh Manchester city ten Eberechi Eze leh Marc Guehi te an laksak bawk.