Mizo shooter-ten Guwahati an pan

13th North East Zone Shooting Championship chu Guwahati, Assam-ah neih a ni dawn a, Mizoram Rifle Association chuan inelna hmachhawn tur hian shootir 30 a tir dawn. Zanin dar 7:00 hian Sairang train station aṭangin Mizoram aiawh turte hian inelna neihna hmun an pan ang.

NRAI-in qualifying points a siam bakah hian MRA qualifying points siam a ni a, MRA qualifying points kap tlingte hi MRA-in an senso engkim a tum sak ang.