Group pakhatah Federer leh Djokovic

Mipa tennis thiam zual pariat inelna tur Association of Tennis Professionals (ATP) Finals khelh tur group siamfel a ni a, world number 2 Novak Djokovic leh Roger Federer te chu Bjorn Borg Group-ah an awmdun.

Player pariat inlan tur hi group pahnihah ṭhenhran an ni a, Andre Agassi Group lamah world number 1 Rafael Nadal bakah tun season chhunga khel ṭha tak Daniil Medvedev leh Stefanos Tsitsipas ta bakah, season hmasa champion Alexander Zverev te an awm khawm.

Group pakhata player pali hi an inkhelh kual hnuah a sang pahnih zelin semifinal an lut dawn. Number 1 ni chunga season khar tum Nadal leh Djokovic te tan inelna a pawimawh dawn. Spanish tlangval hi hliam vangin a buai mek a, mahse inlan theih ngei a beisei.

ATP Finals hi November 10-17 chhung hian London khawpuia O2 Arena-ah khelh tur a ni.