Aizawl FC an vul zel

Mizoram Premier Lea-gue Season 8-ah champion lai Aizawl FC an kal fawr zel a, Thawhlehni zan khan Ramhlun North FC chu 6-0 zetin an sawp.

Standly Rosario hoten ṭan phat aṭangin inkhel an thunun a, goal an khung hma bawk avangin Lammualah inkhel hmuhnawm thlir tur a awm lo. I League club Aizawl FC tan Joe Zoherliana'n minute 11-naah goal hmahruai a khung a, captain Afred Kemah Jaryan-a'n goal hnih khungin Isak Valruatfela, Lalhmangaihkima leh F. Lalremsanga ten goal khat ṭheuh an khung. 

Aizawl FC tlarhnung ṭum dang ang thoin a phui ṭha a, match 10 an khelh tawh aṭangin match riatah an clean sheet tawh. Standly hote hian goal thum chauh an la chhuah laiin MPL club dang zawngin goal 10 an chhuah tling vek tawh a, semifinal lut hmasa ber an ni.