E4 Italian Opening nei zo

Chess hmanga inelna, Chess In School (CIS) hnuaia 1st Mizoram E4 Italian Opening One Day Tournament 2026 chu Inrinni khan khelh a ni a, Aizawl hmun hrang hrang aangin player 185 lai an chhuak.

Ramhlun Indoor Stadium-a neih inelna hi Mizoram Chess Association leh Pu Lalchhuana Chess Academy (PLCA) te buatsaih niin, category li (4) Under-15,13,11 & 9-ah te hen a ni.

U15-ah hian Mizoram player ha Lalruattluanga, Ferrando School, Zemabawk chu champion a ni a, U13-ah Mount Carmel School naupang Emmanuel Thangdailova Khiangte a champion bawk.

U11-ah Maubawk naupang Zosangpuia Hnamte chu a champion a, U9-ah Bawngkawng naupang Uriel Vanlalrempuia Tlau chuan lawmman pakhatna a la thung.

He tournament hi Lichess.org ah live-a pekchhuah niin, chess-a naupangten hma an sawn theihna tura buatsaih a ni a, Mizoram Chess Association chuan Chess in School (CIS) hnuaiah tournament a tam thei ang ber buatsaih turin hma an la mek.

Tournament director hi H. Lalthlamuana, General Secretary, MCA niin Chief Arbiter-ah R. Lalawmpuia, SNA hman a ni thung.