Wenger-a'n Bayern a zawm dawn?

Bayern Munich-in season tawp thlenga an club kaihruai turin Arsene Wenger an lalut dawn tih thawm a ri ring a, Arsenal manager hlui hi German champion-in an lakluh ngei a rinawm ta hle.

Bavarians-in Niko Kovac thlaktu atana an duh bera an sawi Ralf Rangnick-a'n RB Leipzig-ah contract a neih avangin sum umin German club hi zawm a tum lo. Rangnick-a agent kum 61 mi Marc Kosicke chuan, "Ralf Rangnick hi lak theih a ni lo. Tun dinhmuna Bayern harsatna hi Rangnick lakluh vangin a fel nghal theih kan beisei lo a, chuvangin club nena inbiak hian awmzia a nei lo," tiin a sawi. 

Red Bull-a head of sport and development hna chelh mek Rangnick hian contract neih lai a hman zawh hunah England lam a awn nia hriat a ni bawk. Hetihlai hian Bayern nena sawi zawm zinga mi Wenger chuan Bayern zawm a hreh lo thu beIN sport-ah a ṭhut ṭumin a sawi thung.

Bundesliga club leh Wenger hi tunkar tawpah an inbia ang a, season tawp thleng atan contract an zawrh tura rin a ni. Bayern hian manager nghet tur erawh season tawpah an ngaihtuah ṭha leh dawn niina hriat a, thuthang awm danah chuan Wenger-a elpui turte chu Ajax manager Erik ten Hag leh Paris St-Germain manager Thomas Tuchel te pawh an ni thei ang.