Marseille-in goal an khung hnem

French club hlun Olympique Marseille chu an goal khung khawl Mason Greewood leh Pierre-Emerick Aubameyang chhuahsan mah se harsatna an tawk lo a, Inrinni zan khan an mikhual Strasbourg chu 4-0 in an sawp.

Marseille tan Amine Gouiri-a'n goal hnih a khung bakah Keyliane Abdallah leh Pierre-Emile Hojbjerg ten goal khat ve ve an khung bawk. Strasbourg-in goal an khung ve theih lo a, Samir El Mourabet-a'n chu hnawhchhuah a ni bawk.

Transfer bazara an lak luh zingah Timothy Weah chiahin a inlan a, George Weah fapa hian bul a ṭan. Facundo Medina leh Hamed Traoré te erawh squad-ah pawh hmuh tur an awm lo.