China leh Egypt-in "Eagles of Civilization – 2026" an nei

China leh Egypt-te chuan boruak lama indona zir hona "Eagles of Civilization – 2026" an nei mek. September thla tir lam thleng a awh ang.

Hun hmanah ram pahnih sipaite hian air-combat tactics,air superiority, search-and-rescue operations leh dinhmun hrang hrang laka boruak lama hma lak dan turte an zir dawn a ni.

"Eagles of Civilization – 2026" a tel tur hian China J-16 fighter thlawhtheihna rualte chu Egypt-ah an thleng tawh a, Africa ram a tlawh vawi khatna niin km 6,000-a thui darkar 9 chhung zet an thlawk a ni. An thlawhna kawngah hian boruaka awmlaia fuel thun chawp te pawh an zir bawk.

J-16 hi 'Hidden Dragon' tiin an sawi a, seat pahnih nei, hna hrang hrang thawk thei, multi-role fighter jet a ni. He thlawhtheihna hi China-in tuipui kam leh hmun hlauhawm leh pawimawh zual, South China Sea leh Taiwan Strait-ah te a hman lar ber an ni.

China Defence Ministry chuan kumin hian boruak lama indona thiamna leh thuneihna lak dan an zir nasa dawn tih a sawi a, hei hian ram pahnih sipaite inrin tawnna leh thawh hona a tithuk dawn a, bial chhunga muanna leh himna tan a pawimawh dawn a ni tih an sawi bawk.