India squad-ah Mizo pakhat chiah tel
FIFA World Cup 2022 qualifier-a Afghanistan leh Oman hmachhawn tur India squad puan a ni a, Mizo player zingah Lallianzuala Chhangte chu coach Igor Stimac-a'n a koh awmchhun a ni.
Blue Tigers hian November 14-ah Afghanistan an lenchilh ang a, November 19 zanah Oman an lenchilh zui leh ang - he inkhel atan hian Stimac chuan player 26 a ko a, tun hnaia khel ṭha tak NorthEast United winger Redeem Tlang pawh koh a ni lo.
India tana koh regular zingah Jerry Lalrinzuala'n tun season-ah beisei a la phak loh avangin squad-ah telh a ni lo a, Jeje Lalpekhlua chu hliam inenkawl mek a nih avangin koh a ni lo bawk. Blue Tigers hi Group E-ah awmin match thum an khelh tawhah point hnih chiah an la nei a, an chungah match thum ṭheuh khelin Qatar (10 pts), Oman (6) leh Afghanistan (3) an awm.
Stimace naute hian an match hnuhnung bera Bangladesh an inhnehtawkpui chu an tuar a tih theih a, Afghanistan lakah hian an tlawm chuan beisei tur a awm tawh kher lo ang.
India Squad:
Goalkeepers: Gurpreet Singh Sandhu, Amrinder Singh, Dheeraj Singh Moirangthem;
Defenders: Pritam Kotal, Nishu Kumar, Rahul Bheke, Anas Edathodika, Narender Gahlot, Adil Khan, Sarthak Golui, Subhasish Bose, Mandar Rao Dessai;
Midfielders: Udanta Singh, Jackichand Singh, Seiminlen Doungel, Raynier Fernandes, Vinit Rai, Sahal Abdul Samad, Pronay Halder, Anirudh Thapa, Lallianzuala Chhangte, Brandon Fernandes, Ashique Kuruniyan;
Forwards: Sunil Chhetri, Manvir Singh, Farukh Choudhar