Olympic champion hlui Adams a chawl

Olympic hmeichhe boxing huanga vawi hnih champion tawh Nicola Adams chuan infiamna a chawlhsan thu a sawi a, a chawlh chhan hi a mit hliam saah (eye) harsatna neih a hlauh vang a ni.

Kum 37 mi Adams hian London 2012 Olympic-ah khan flyweight title a la a, British hmeichhe zingah hetiang dinhmun luah thei hmasa ber a ni. Rio Olympic-ah khan a title kawl lai hi a humhim zui leh bawk. WBO world flyweight champion Adams chuan, "Ka mitah hian hliam leh eng emaw palh lo tawk ta ila, mitdelna emaw a ṭha lo dang a thleng thei, indim tura thurawn ka dawn angin inhnek ka chawlhsan," tiin a sawi.

Adams hian Commonwealth, European leh world titles a la vek a, Brazil khawpuia Olympic gold medal a humhim chiah khan kum 92 chhunga British boxer Olympic gold humhim thei hmasa ber a ni hial.