November 12 aṭangin President's Cup
Cricket Association of Mizoram hnuaia tualchhung cricket inelna ngaihhlut President's Cup 2019 chu November 12, Thawhlehni aṭang hian Ramhlun Sports Complex leh Durtlang khelmualah te khelh a ni dawn a, fixtures pawh peih fel a ni ta.
President's Cup 2018 champion Bawngkawn South chu round hmasa berah an bye a, Laipuitlang leh Hunthar inkhela chak zawn nen November 16 hian Ramhlun Sports Complex-ah an inkhel ang. Season hmasa khan first division inhlangkai hlim Bawngkawn South hian Chanmarians chu wicket thuma hnehin an champion a, nikuma an sulhnu ṭha ang hi neih leh an tum dawn. Chutihrualin team tinin inbuatsaihna an neih ṭhat avangin nomawi humhim erawh a awlsam dawn lo.
Inelna hnuhnung finalist Chanmarians pawh a tir lamah an awl phawt dawn. Tournament match hmasa ber khel tur Pacers leh Tlangnuam inkhela chak zawk chu Chanmarians hmaah hian an ding dawn a ni.
Fixtures
A hmun : Ramhlun Sports Complex
November 12, Thawhlehni
Pacers 09:00 AM Tlangnuam
Ramhlun Venglai 12:30 PM Armed Veng
November 13, Nilaini
ILmov 09:00 AM Chhinga Veng
Kulikawn 12:30 PM Ramhlun Venglai Jr
November 14, Ningani
Upper Republic 09:00 AM Lily Veng
Legends 12:30 PM Mynas
November 15, Zirtawpni
Zarkawt Lord's 09:00 AM Croms
Luangmual 12:30 PM Sihhmui
November 16, Inrinni
Bawngkawn South 09:00 AM Laipuitlang/Hunthar
A hmun : Durtlang Khelmual
November 12, Thawhlehni
Laipuitlang 09:00 AM Hunthar
Saron Veng 12:00 PM Gorkha
November 13, Nilaini
Durtlang 09:00 AM VRCC
Sihphir 12:00 PM Gladiators
November 14, Ningani
Gorkha Rising 09:00 AM Zemabawk Pitchers
Chanmari 12:00 PM Chaltlang
November 16, Inrinni
Chanmarians 09:00 AM Pacers/Tlangnuam