Subroto Cup-ah Mizoram aiawhten an lut

Subroto Cup International Football Tournament 2026 semifinal-ah nimin khan Mizoram aiawha tel NCC chuan Lallawmzuali goal hnih hmangin Chhattisgarh 2-1 in an hneh a, final an lut.

Delhi-ah ruah a sur nasat avangin Dr. Ambedkar Stadium-a inkhel tur chu Pinto Park Football Ground, Palam-ah an sawn. Inkhel inhnehtawk takah Springfield HSS hminga tel Mizoram hi Lawmi goal hnih hmangin an vannei ta zawk.

Mizoram hian group stage-ah Gujarat nen 3-3 in inhnehtawk mah se Jammu & Kashmir (19-0), Haryana (6-0) leh Uttarakhand (5-0) a sawpin quarterfinal an lut. Semifinal khel tur zawnnaah ṭhenawm state Meghalaya 6-0 in an sawp leh bawk.

Mizoram hi coach K. Lalhruaizeli ( ITI Veng) leh manager Lalthansangi (Bilkhawthlir) ten an hruai a, final-ah CISCE leh Jharkhand te chak zawk an hmachhawn ang.