Amorim hoin Milan chak nghal

AC Milan chuan an hmelma Inter Milan chak laia chak loh an duh bik lo a, Ruben Amorim-a hnuaia Serie A match an khelh hmasak berah 2-1 in Torino chu khualmualah an hneh.

Milan tan Alphado Cisse leh Adrien Rabiot ten goal khat ve ve an khung a, injury time-ah Torino tan Che Adams chuan goal khung mah se an mualpho tur hliahkhuhtu chauh a ni.

Portuguese manager Amorim chuan, "Kan khel chhe lo a, mahse Milan pahnih ka hmu. Minute 75 chhung khan team pakhat kan hmu a, a hnuah erawh team dang daih kan hmu niin ka hria. A tawp lamah khan a bet zawkah kan ṭang a, minute 90 chhung ṭang thei tura kan inbuatsaih a ngai," a ti.

Milan bakah hian Italian club lian Juventus chuan Gleison Bremer-a goal hmangin Frosinone chu 1-0 in an hneh ve bawk a, Luciano Spaletti naute hi kai thar team lakah an chak hram.