Al Hilal-in Martinelli lakluh tum

Arsenal forward Gabriel Martinelli chu Gunners chhuahsan thei dinhmunah a ding mek a, kum 25 mi forward lakluh tum hian Al Hilal chuan Arsenal an dawr mek.

Premier League champion Arsenal manager Mikel Arteta chuan, Martinelli hi season thara a ruahmannaa a tel loh thu a hrilh a, a duh lam club pan turin zalenna a nei.

Martinelli hi Galatasaray chuan lakluh an lo tum tawh a, mahse, Turkish club-in an dawrna, pound maktaduai 38.4 chu Gunners hian pawm vek tawh mah se, Brazilian forward hian Turkish club hi a lo hnar.

Tunah Al Hilal leh Arsenal an indawr mek a, an inrem chuan Martinelli kutah thutlukna a awm zui ang. London club hian Galatasaray laka an hralh tak lohah chuan, £60mtd vel an player manah hian an beisei niin an sawi.

Martinelli hian Arsenal-ah hian kar khatah £180,000 a hlawh mek a, kum khat chiah Emirates Stadium-ah contract a nei tawh bawk. Al Hilal hian kar khatah £300,000 chuang hlawhtir an inhuam nia sawi a ni a, Martinelli hian Galatasaray ang ngawt chuan a hnar a rinawm ta lo!

Brazil international Martinelli hian kum 2019 khan Brazilian fourth division club Ituano aṭangin Arsenal hi a zawm a, season hman zawh takah khan match 53 khela goal 11 khungin, assist vawi sarih a nei.

Gunners tan Premier League nomawi a chawi bakah, kum 2023 khan FA Community Shield a lakpui bawk.