National Championship-ah Mizoram pahnihna

August 22-23 chhunga neih, Kukkiwon Korean Cup National Open Championship-ah Mizoram Taekwondo Team chu pahnihna an ni a, Mizoram hian gold medal 14 lain, inelna thlengtu Assam chiah an tluk lo–inelna hi team 31-in an hmachhawn.

Sribumi, Assam-a neih inelnaah hian inelna chi hrang hrang chi thum a awm a, Kyorgi (fight), Poomsae(basic) leh Breaking-ah te inelna neih a ni–Mizoram aiawh hian player 15-in heng inelna hrang hrangah te hian inelna an hmachhawn vek a, gold medal 14 an la ta a ni.

Mizoram team hi manager Joseph Lalrinmawia, Diakkawn, Kolasib chuan kaihruaiin, coach hi H.Lalrammawia, New Diakkawn, Kolasib a ni a, technical official-ah Joseph Zodinthara, Ṭumpui, Kolasib a ni bawk.

Chief Referee-ah sawm a nih angin Master Joseph Thansanga, Electric Veng, Aizawl chu a ṭang a, Special Guest niin Master VL Sawma, Electric Veng, Aizawl chuan a telpui bawk a ni.