Ni hnih awh Weightlifting C'ship

Mizoram Weightlifting Association chuan an association golden jubilee pualin State Level Weightlifting Championship an buatsaih. Inelna hi MSSC Weightlifting Academy, Ramhlun Sports Complex-ah nimin khan ṭan a ni a, vawiin hian zawh a ni ang.

State Level Weightlifting Championship-ah hian inelna pathum a awm a, chungte chu 7th Youth (Boys & Girls), 16th Junior (Men & Women) leh 21st Senior (Men & Women) te an ni a, Mizoram State Sports Council-in a sponsor.

Tun ṭum inelnaah Mizo weighlifter zinga thleng sang ber Jeremy Lalrinnunga pawh a inlan dawn a, vawiin tlai dar 3:00 hian a chawi dawn. Jeremy hian Youth Olympic Games 2018, Commonwealth Championships 2021 leh Commonwealth Games 2022 te khan gold a lak tawh bakah Youth World Championships-ah silver medal a la tawh.

India ramchhungah phei chuan vawi tam tak gold medal a hlawh chhuak tawh a, Jeremy chawi lai hmu duh tan MSSC Weightlifting Academy, Ramhlun Sports Complex pan mai tur a ni. Vawiin hian inelna hi a ṭiak dawn a, medal leh nomawi semna pawh neih nghal a ni ang.