Deportivo tan Auba goal a tawk lo

Pathianni zan La Liga inkhelah Pierre-Emerick Aubameyang chuan Deportivo tan goal khung mah se a tawk lo a, Malaga tan Chupete-a'n penalty aṭanga a sut avangin, kai thar pahnihte 1-1 in an inhnehtawk.

Kum 37 mi Aubameyang hi a club thar tan a che ṭha nghal a, August 17, Thawhṭanni zan khan Elche lakah goal khung tawh bawkin Deportivo tan match hniha a khelh tawhah goal a khung ve ve.

Arsenal forward hlui Auba hian tun nipui transfer-ah khan Ligue 1 club, Olympique Marseille aṭangin Spanish club hi a pan a, rinrawlah an hmang nghal. A kum tam ve deuh tawh mah se a thiam a la theihnghilh lo tih khelmualah a lantir.

Inkhel dangah Osasuna leh Levante te chu goal awm loin an inhnehtawk a, August 16, Pathianni zan khan Levante hian 3-0 in Espanyol an hneh tawh lo a, match hnih an khelh tawhah goal an la khung thei lo.