Magpies-ah Gonzalez a lut dawn

Newcastle United chuan Manchester City midfielder Nico Gonzalez la lut turin City chu pound maktaduai 52-in inremna an neihpui a, season tharah chuan kum 24 mi hi Newcastle United jersey hain kan hmu dawn ta.

Magpies hian tun nipui transfer-ah an player pawimawh, Bruno Guimaraes, Sandro Tonali, Anthony Gordon leh Kieran Trippier te an hralh a, fans tam takin duhthusamin squad an la thuam ṭha tawk loah an ngai.

Newcastle United hian coach Eddie Howe pawh season ṭan hmain an chân a, coach thar Matthias Jaissle hoin season thar an hmachhawn dawn - an match hmasa berah Liverpool chu 2-2 in an inhnehtawkpui thei a, beiseina a sang sawt hle.

Nico Gonzalez hian City-ah kum khat leh a chanve chiah hun a hmang hman a, City chhuahsan a duh loh thu sawi mah se, Enzo Maresca enkawl team hian tun hnaiah Lille midfielder, Morocco international Ayyoub Bouaddi chu £85.6mtd-a la lut turin inremna an neihpui a, Nottingham Forest aṭangin Elliot Anderson chu £116mtd-in an lo lei tawh bawk.

Hetiang a nih avang hian Nico tan hmun a awm dawn lo tih a chiang a, chhuah mai a finthlak. February 2025 khan City hi £50mtd-in Porto aṭangin a zawm a, League Cup leh FA Cup-ah a champion pui hman.

City hian tun nipuiah midfielder an chhuahtir nual a, Nico hma hian Bernardo Silva, Rodri leh Tijjani Reijnders te an lo chhuahtir tawh bawk.