US Open-a lawm hlawh Serena leh Alcaraz

US Open-ah mixed doubles khelh ṭan a ni tawh a, nimin khan Serena Williams leh Carlos Alcaraz te inkawp chuan lawm an hlawh a, mipui 15,000 lenna Arthur Ashe Stadium a khat vek. Mahse, Serena leh Alcaraz te inkawp te hian seeded no. 4 Belinda Bencic leh Flavio Cobolli te inkawp an hneh lo.

Grand Slam vawi sarih champion tawh Alacaraz-a'n April thlaa inhliam hnuah competitive match a khel leh ṭan a, ban rek hliam vanga hun rei tak chawl tawh Spanish player hi Grand Slam vawi 23 champion tawh Serena nen an inkawp.

US Open mixed doubles-ah hian best of three-a khelh ni mah se set khat hi game li chauh a ni a, 4-4 a in inhnehtawk a nih chuan tie breaker hmangin chak zawk tur zawk a ni.

Bencic leh Cobolli te inkawp hian Williams leh Alcaraz te inkawp hi 5-4 (7-4), 4-1 in an hneh a, semifinal-ah tukin zing dar 4:30 hian Gaël Monfils te nupa an hmachhawn ang. Monfils hian tun season zawhah tennis khelh a chawlhsan dawn a, a nupui hi world ranking no. 9 Elina Svitolina a ni.

Semifinal hnuhnung zawkah Karolína Muchová leh Jakub Menšík te inkawpin Mirra Andreeva leh Andrey Rublev te te an inkhel chhunzawm nghal dawn. Final pawh tukinah khelh nghal tur a ni.