Inter District Wrestling C'ship an ṭan

Mizoram chhunga wrestling intihsiakna lian ber Inter District Wrestling Championship vawi kuana chu nimin chawhma khan Mamit Multipurpose Hall-ah bialtu minister H. Lalzirliana'n a hawng.

Khuallian H. Lalzirliana chuan infiammite chu ruihhlo leh thatchhiatna laka fihlim turin a chah a, tun inelna aia lian zawka tel thei tura inbuatsaih zel turin kal khawmte hnenah a chah.

H. Lalzirliana chuan intihsiakna hmun Multipurpose Hall, Mamit-in a neih theih dante sawiin, Mamit-in infiamna lian zawk thleng thei tura hmunhma an neih zel tur thu a sawi bawk.

Tun ṭum inelna 9th Inter District Wrestling Championship hi district hrang hrang aṭanga wrestler kal hnem ber ṭum a a, inelna hi Mizoram Wrestling Association buatsaih a niin district hrang hrang aṭangin wrestler 192 zet an kal khawm. Vawiin hian inelna hi zawh fel a ni ang.