Brighton coach Hürzeler a buai

Premier League club Brighton & Hove Albion chuan zanin dar 12:00-ah, Tromso nen Conference League playoff second leg an khel leh dawn a, Seagulls hian tlang turin chak an mamawh. Mahse Pathianni zanah Chelsea an tlawh dawn avangin player thlan danah an coach Fabian Hürzeler a rilru a buai.

Kum 33 mi Hurzeler hoin August 20, Ningani zan khan Tromso hi tlawhin Norway-ah an zin a, Arctic Circle hmar lam mel 200-a hlaa an inkhelh ṭuma goal an khung thei lo chu an ui hnuhnawh khawp ang.

Hetihlai hian Seagulls hian tun season Premier League-a an match hmasa berah, Unai Emery enkawl Aston Villa chu 4-0 in an sawp theih avangin an phur vanglai tak a ni. Mahse Norwegian club laka player ṭha rual khelhtir erawh a fuh lo thei bawk.

Mahse Brighton hi an muala khel tur an ni tawh a, American Express Stadium-ah fans puihna ṭha tak an dawng tawh dawn. Villa an hmachhawn ṭumin nipui laia an lak thar zingah Luka Vuškovic chiahin bul a ṭan a, Promise David, Pascal Struijk leh midangte tan Hurzeler-a'n hun ṭha a hawnsak a rinawm.