Vawiinah Mizoram Taekwondo Championship zo dawn

28th Mizoram Official Taekwondo Championship & 19th Mizoram Poomsae Championship chu August 26, Nilaini khan Electric Veng YMA Hall-ah ṭan a ni a, ni thum awh tura ruahman niin, vawiinah zawh nghal a ni ang.

Championship-ah hian Mizoram district hrang hrang aṭangin team 40 an tel a, infiammi 446-in inelna hmachhawnin, kyorugi leh poomsae hmangin an intihsiak a ni.

World Taekwondo rules 2026 thar ber chu inelnaah hian hman tur a ni a, category hrang hrang pewee, sub-junior, cadet, junior leh senior-ah te an inel a, gold medalist aṭangin Mizorama Taekwondo thiam ber leh ngaihhlut, 'Champion of Champions 2026 title' inchuhna fight a awm leh dawn bawk.

Taekwondo Championship hi LB Associate CEO Dr.Lalbiakmawia Ngente chuan a hawng a, khuallian hian MATA Hall chei ṭhatna tur ruahmanna master plan, LB Associate buaipui chu championship lawmna atan MATA hnenah a hlan nghal.