Hming thar nen Savio a vul

Tottenham Hotspur-in man to taka an lak Savinho an la sual lo a, Brazilian forward hian Nilaini zana League Cup an khelah goal khung nghalin a club thar chu 5-1 in Charlton Athletic lakah a chakpui.

Kum 22 mi Savio hian a hming dik tak zawk Savio chu Spurs-a a jersey-ah chhut kai a ni a, Girona a khelh hnua Savio tia hming a thlak lehna hmasa ber a ni. Savio bakah hian Mikey Moore, Dominic Solanke, Kevin Danso leh Ben Davies ten goal khat ṭheuh an khung.

Tottenham Hotspur Stadium-a inkhelah Moore-a'n minute 41-naah hmahruaina goal khungin Spurs an hawi kir tawh lo. First half tawp hma hretin Solanke-a'n khung belhin 2-0 in chawlhlawk an hmang.

Second half-ah London club bawk an langsar a, Charlton-in an ngam meuh lo. Danso-a'n minute 67-naah an goal thumna a tauh luh hnuah phei chuan chak tur a chiang thuak tawh.

Minute 82-naah Savio a inlar a, dinglam aṭanga ball la lutin defender pahnih a bum hnuah goal ṭha zet a khung. Savio hian a man to chhan tilangin, club thar tana goal hmasa ber ṭha zawk a awm bik kher lo ang.

Minute thum hnu lawkah Savio thawhrah sengin Davies-a'n goal a khung a, Welsh defender hian Savio ball pet a lo khawih pial zeuh avangin a goal khung angah ngaih a ni. Hun tawp dawna Charlton defender Lloyd Jones-a goal khungin awmzia a nei lo a, nuamsa takin Spurs an chak.

Brentford laka chak 3-0 a tlawm hlim Spurs tan result lawmawm a ni a, mahse goal an la chhuah tel hram avangin Roberto de Zerbi tan inenfiahna tur a la tam hle. Spurs bakah hian Newcastle chuan 3-2 in West Bromwich Albion an hneh a, Everton chuan 4-0 a Preston sawpin third round an lut.