Old Trafford-ah Man United tan beiseina thar

Manchester United-in Michael Carrick hnuaiah beiseina sang tak nei mah se Premier League match hmasa berah Hull City hneh loin season bul an ṭan. August 30, Pathianni hian Red Devils-in kai thar Ipswich Town an hmachhawn dawn a, Old Trafford-a an match hmasa berah insiamṭhat an tum ang.

Hull laka an tlawm hnuah United tana chanchin langsar ber chu Brighton aṭangin £70mtd-in Carlos Baleba an la lut. Mahse, Cameroon midfielder Baleba hi hliam vangin a la inlan thei dawn lo a, Carrick-a Hull hneh lotute aṭang thoin player a thlan a ṭul dawn.

Man United hian nipui bazarah midfielder pathum an lalut a, Baleba hma hian Youri Tielemans leh Andrey Santos te lalutin Hull lakah bul an ṭan ve ve. Bench aṭangin Kobbie Mainoo a inlan a, tun kar tawpa bul ṭan thei tur zinga mi a ni.

Season liam taa Man United chet ṭhat chhanah Mainoo a pawimawh a, mah se England tan World Cup khel turin koh ni mah se United States-a inelna neihah a inlan lo. Ipswich lakah Mainoo hian Tielemans emaw Santos a nek chhuak thei ang em tih a la chiang lo.

Chutihrualin United tan tlarhnung tih phui hmasak a ṭul dawn. Goalkeeper Senne Lammens-a'n bul a ṭan dawn a, Harry Maguire leh Ayden Heaven te an inkawp nawn ang em tih erawh zawhna a awm thung. Bench-ah Argentina tana rinrawl ni pha Lisandro Martínez a la awm a, right back-ah Diogo Dalot-a'n Noussair Mazraoui aiah bul a ṭan thei bawk.

Captain Bruno Fernandes-a'n PFA Players' Player of the Year a dawng zo chiah a, Portuguese midfielder hian Ipswich lakah a theihna lantir a tum dawn. Chutihrualin Ipswich hian Premier League match hmasa berah Sunderland 2-1 in an hneh a, kai laihawl khan League Cup-ah Leicester City 3-1 a an hneh bawk avangin an phur lai tak a ni. Pressure ngah Man United tan chetsual theihna a ni ang.