Enrique-a'n player hahdamna ngai pawimawh

French champion Paris St-Germain coach Luis Enrique chuan season tharah player te hahdamna a ngai pawimawh a, an squad chhahna bawk chu an hmachhuan ber tur a nih thu a sawi

Kum 56 mi Enrique chuan, "Nikum leh kum hmasa lamah te pawh match kan ngah ṭhin avangin, player te hi taksa hahdamna hi kan thupui ber a lo ni tawh ṭhin. Kan squad chhahna hi kan chakna hnar a ni a, chub chu kuminah pawh a danglam dawn lo," a ti.

Sesson hmasa khan Spanish coach hian an player pawimawh zinga mi Ousmane Dembele, Khvicha Kvaratskhelia, Achraf Hakimi leh midangte chu Ligue 1 tih lohah chuan an ram chhunga inelnaah a khelhtir tam lo a, hei hi French chanchinbute chuan an chhu zui nasa hle.

Kuminah pawh anni hi player pawimawh an ni leh dawn a, Ballon d'Or kawl mektu Dembele bakah Kvaratskhelia, Hakimi leh Vitinha te chuan bul an ṭan vek.

PSG chu 2-0 a an hnufual hnuah an player thar Ferran Torres bench aṭanga lutin goal hnih a khung a, Paris club mualpho tur a chhanhim hram.

Enrique chuan sawi chhunzawmin, "Nomawi chawi tur chuan team pumpui ṭan rual a ngai a, player 11 chauhin engmah a hlawh chhuah theih loh. Player 20 chuang thawhhona ṭha kan mamawh a, chuvangi tupawhin ṭangkaina kan nei vek," a ti bawk.

PSG hian nizan khan Lille an lenchilh a, an result kan hre hman lo thung. Enrique-a'n PSG hi a zawnin UCL a lakpui tawh a, a vawi thum nan lakpui leh ngei a tum dawn. Mahse an ram league ngaihthah erawh a fuh lo ang.