City-in goal li an khung

Manchester City-in Enzo Maresca hoin league match hnih an khel tawh a, an la chak ve ve - Zirtawpni zan khan Crystal Palace chu 4-1 ngawtin an sawp a, Erling Haaland leh Rayan Cherki ten goal hnih ve ve an khung!

Season hmasaa EPL-a goal 27 khungtu Haaland hian minute 17-naah goal hmahruai a khung a, Cherki-a'n minute 54-naah a belhchhah - minute hnih hnu lawkah Palace hian an khung ve a, Yeremy Pino-a freekick pet chuan bar a per hnuah City keeper Gianluigi Donnarumma per ve lehin, goal-ah a lut.

Mahse, Palace an phur zo lo. Minute 59-naah Cherki-a'n belhchhah ve lehin, hun tawp nan minute ruk chiah a awm tawh tihah Haaland-a'n a khung belh - City-in 4-1 in hnehna an chang a, tunah rih chuan Pep Guardiola an ngai rih lo!