Spurs an tlawm leh tawh

Tun nipui transfer-a che na tak, 'Champion an tum' an tih ngat, Tottenham Hotspur chu champion tum khelhin an khel lo a, Brentford laka 3-0 a an tlawm hnuin, Newcastle United lakah 2-0 in an tlawm leh ta.

Magpies tan Anthony Elanga leh Yoane Wissa ten goal khat ve ve an khung a, Spurs-in a chhanletna tur an neih loh avangin London club an tlawm.

Spurs tan striker thar Omar Marmoush chuan a match hmasa ber khel mah se, a hun ṭha neih chu goal-ah a chantir thei lo a, Sandro Tonali pawhin a club hlui a hmachhawnna inkhelah beisei a phak lo.

Manchester City a awm laia Savinho tia hriat, Spurs pantu Savio erawh hliam vangin a inlan thei lo. London club-in result lawmawm lo an nei a, inkhelh zawhah Roberto de Zerbi chuan a player ṭhenkhatin chhuah an duh thu a sawi zui.

Spurs player zingah Richarlison, Kevin Danso leh Pape Sarr-te chuan coach Roberto de Zerbi hnenah chhuah an duh thu an thlen tawh a, player la lut hnem team hian an la hralh ṭhen bawk dawn niin a lang.