KODVA Season Opening zo fel

Kolasib District Volleyball Association (KODVA) buatsaih Season Opening Volleyball Tournament 2026–2027 chu August 25-28, 2026 chhung khan KODVA semi indoor stadium, College Veng, Kolasib-ah hlawhtling taka neih a ni.

Mipa inelnaah team sarih an tel a, final-ah LTHA Volleyball Club, Saipum chuan Mama Volleyball Club te chu 3-1 (25-18, 25-19, 15-25, 25-22) a hnehin an champion. Saipum club champion puitu James Lalhruaikima leh Lalmalsawma te chu best setter leh best spiker te an ni.

Hmeichhe lamah team thum an tel a, Agape Volleyball Club chuan North Kolasib GSA chu 3-0 (25-23, 25-23, 25-18) a hnehin an champion ve bawk. Agape innghahna Betty Lalruatfeli chu best spiker a ni a, NKGSA setter Daisy Lalnunsangi chu best setter-a thlan a ni thung.