World no. 1 Sinner tel lohna US Open

2026 US Open chu nimin aṭang khan khelh ṭan a ni a, tennis inelna ngaihhlutah hian world no. 1 Jannik Sinner a tel lo a, 2019 Wimbledon Championships hnua Grand Slam a khelh theih loh hmasak ber a ni. Champion lai Carlos Alcaraz chu seeded no. 2 a ni a, Spanish star hi ban rek hliam vanga thla li chhung a chawlh hnuah a inlan dawn.

French Open champion Alexander Zverev chu seeded no. 1 a ni a, kum 39 mi Novak Djokovic chu seeded no. 4 a ni thung. Djokovic hian US Open-ah a champion thei a nih chuan Grand Slam vawi 25 champion thei hmasa ber a ni ang.

US Open hi India ram aṭang chuan zan lai leh zing lama en a ṭul dawn. Tukin zing dar 4:30 vel khan Djokovic-a'n first round-ah Mariano Navone a hmachhawn ang. Seeded no. 2 Carlos Alcaraz-a'n zanin dar 10:10-ah Roman Safiullin a hmachhawn dawn.

Seeded no. 1 Zverev erawh September 2, Nilaini zing lamah a inlan dawn chauh a, German star hian zing dar 5:40 velah Lorenzo Sonego a hmachhawn dawn. Kumin US Open hi Grand Slam vawi thum champion tawh Stan Wawrinka leh world no. 6 hlui Gaël Monfils te tan an Grand Slam inelna hnuhnung ber a ni ang.