A lungthu kim nana champion tum Sabalenka

US Open hmeichhe inelna chu nizan aṭang khan khelh ṭan a ni a, seeded no. 3 Jessica Pegula leh seeded no. 9 Elina Svitolina te an inlan nghal. Champion lai Aryna Sabalenka chuan zanin dar 9:00 hian Camila Osorio a hmachhawn dawn.

US Open-ah hian open era chinah Chris Evert leh Serena Williams te vawi ruk ve ve champion thei an ni a, tun ṭuma seeded no. 1 Aryna Sabalenka hi inelna hnuhnung pahniha champion thei a ni thung. Sabalenka hian inelna hnuhnung pathumah final a lut vek a, tun ṭumah pawh champion tura rinkai a ni.

Belarusian nula hi kum 28 mi chauh a la nih avangin record khum thei tur dinhmunah a ding hial a, hmabak erawh a harsa dawn. Chutihrualin Sabalenka hian kumin Australian Open-ah tun ṭuma seeded no. 2 Elena Rybakina hi final-ah a hneh lo a, French Open quarterfinal-ah Diana Shnaider hneh loin a tla a, US Open-ah fourth round-ah Naomi Osaka hneh loin a tla bawk. Kuminah Sabalenka hian Grand Slam nomawi a la chawi lo a, world no. 1 dinhmun pawh a derthawng hial.