India tan Ṭhazuala'n silver a la

Lagos International Badminton Classics-ah Mizo tlangval H. Lalṭhazuala chuan India tan silver medal a hlawh chhuak. Inelna hi August 26-29, 2026 khan Lagos, Nigeria-ah khelh a ni a, final-ah Ṭhazuala hi academy lama a training pui ṭhin Gnaa Dattu lakah a vanduai.

Chanmari West tlangval Ṭhazuala hian junior level-ah Mizoram tan chauh ni loin India tan sulhnu ṭha tak a nei a, kumin aṭangin senior men's singles a khel ṭan. Tata Trust, Neida, MSSC leh MBA hmalaknain Ṭhazuala hian Pullela Gopichand Badminton Academy, Hyderabad-ah training a nei a, anni zarah tun dinhmun hi a thlen theih phah a ni.