Barcelona-ah Jesus a lut dawn

Arsenal striker Gabriel Jesus chuan Barcelona a zawm dawn a, Catalan club hian pound maktaduai 8.6 an seng ang - he thuziak i chhiar meuh chuan an in la lut fel tawh hial mai thei.

Napoli pawhin Jesus hi lakluh an duh a, mahse, Gunners striker hian Nou Camp pan a thlang zawk niin a lang. Brazilian striker, thawm nei na tak ṭhin, beisei phak ta lo Jesus hian kum 2022 khan Manchester City chhuahsanin, Arsenal hi a zawm.

London club tan inelna hrang hrangah match 123 khel hmanin, goal 32 a khung a, assist vawi 22 a nei. Premier League nomawi a chawipui bawk a, a vanduai vena erawh Champions League-ah a champion miah lo.

Jesus hian City-ah khan EPL nomawi pali a chawi hman a, mahse, a awm laia Champions League final an khelhah a chak lo zawkah an ṭang - season hman zawh takah Arsenal-in UCL final lut mah se, a chak lo zawkah bawk an ṭang!

Hetihlai hian Arsenal winger Gabriel Martinelli chuan nimin khan Saudi Arabia panin, Al Hilal-ah medical a nei bawk a, he thuziak i chhiar meuh chuan a lut tawh hial ang.