Maradona dinhmun a ṭha

Argentina legend Diego Maradona chu a hriselna dinhmun a ṭha hret tawh a, puma thisen put (internal bleeding) vanga damdawi ina dah a nih hnuah a chhuak leh thei tawh.

Kum 58 mi Maradona hi a hriselna ṭhat tawk loh vangin an ramah a khat tawka enkawlna pek reng a ngai a, a chhungte chuan tun dinhmunah chuan a natna hi hlauhthawnawm a nih loh thu a sawi.

A fanu Dalma chuan, "Ka pa chanchin ngaihventu zawng zawngte chungah ka lawm, tunah chuan a dinhmun a ṭha tawh. Hun rei lote chhungin ngai a awh leh thei ang," a ti.

Maradona hian a captain-na hnuaiah 1986 khan an ram chu World Cup a chawi pui a, a hnathawh hi tun thlengin sawi nep theih a la ni lo. Manager a nih hnuah hlawhtling viau lo mah se hna thawh tur a hmu zel, tunah hian Mexican second division club Dorados de Sinaloa a enkawl mek a ni.