Spurs-ah Chelsea player Mudryk!

Mykhailo Mudryk chuan club thar a nei ta - Chelsea chhuahsanin Tottenham Hotspur a zawm a, hrem vanga rei tak a chawlh hnua lo kir forward hian season khat chhung atan loan-in Spurs hi a zawm.

Spurs hian Mudryk hi a ngheta an la lut duh a nih chuan, pound maktaduai 75-a a ngheta lakluh theihna dan an ziak tel bawk a, Spurs-ah a khel chhunzawm zel lo ang tih a sawi theih loh.

Mudryk chuan, "Ka hlim takzet a, he club tana bul ṭan hun ka nghakhlel tawh khawp mai," tiin a sawi - tuna Spurs boss Roberto de Zerbi hnuaiah hian, Shakhtar Donetsk-ah a lo khel tawh ṭhin.

Hetihlai hian Blues aṭang vekin centre back Tosin Adarabioyo chuan Spurs hi a zawm bawk a, a man hi £12mtd thlenga sang chho thei tur a ni - Spurs hian £7mtd an pe phawt niin an sawi.

Tosin hian kum 2024 khan Fulham aṭangin Chelsea hi free transfer-in a zawm a, kum 28 mi centre back man hi tam lo mah se, Chelsea hi an la hlawk tho tihna a ni.