Balogun-a'n Everton hnar

World Cup aṭanga mi tam tak hriat hlawh, USA striker Folarin Balogun chuan transfer tawp ni khan Everton-ah medical nei hman vek mah se, a rilru a thlak leh thut a, Merseyside club a zawm leh duh lo!

Kum 25 mi Balogun hi Everton hian pound maktaduai 40-a a la lut turin, a club khelhna AS Monaco chu inremna an neihpui vek tawh a, mahse, USA international hian a thu sut lehin, English club hi a pan duh leh ta lo a ni.

Arsenal aṭanga inzir chhuak Balogun hian season hmasa khan Monaco tan match 43 khelin goal 19 a khung a, Ligue 1 club-a cham a thlang ta zawk.

Everton hian Manchester United striker Joshua Zirkzee leh Aston Villa striker Tammy Abraham pawh dawr mah se, Everton hian striker pahnih hi an hmin zo lo.

Hetihlai hian, season hmasaa loan-a an hawh tawh, Manchester City midfielder Jack Grealish chuan season khat chhung loan-a khel turin Everton hi a zawm ve thung.

Kum 30 mi Grealish chuan, "Hmangaih ka ni tih ka inhriatna hmunah keimaha ṭha ber hi a lang chhuak ṭhin a, Everton-ah hian manager, player leh fan ten min hmangaihna an lantir ṭhin," tiin a sawi.