Mizoram khingpui tur Tamil Nadu

National Football Championship for Dr BC Roy Trophy 2026-27-ah Mizoram chuan tukin dar 8:15 hian Tamil Nadu nen an inkhel dawn. Coach Lalrindika Khiangte hote hian an match hmasa berah Maharashtra 2-0 in an hneh.

Tamil Nadu hian match hmasa berah Meghalaya an hmachhawn thung a, 2-0 in an chak lo. Inelna hi Bengaluru Football Stadium-ah khelh a ni a, Mizoram tan group-a pakhatna ni turin Tamil Nadu chiang taka hneh a pawimawh ang.

Maharashtra laka hnehna an chan ṭumin Victor Lalawmpuia'n freekick mawi zetin a khung a, C. Lalhmingropuia'n a tauh lut leh bawk. Chutihrualin Mizoram hi player mala innghat an ni lo a, team anga khel a nih avangin an khel a hmuhnawm hle.

Inelna hi YouTube channel SportsKPI-ah a thlawnin a en theih a, Mizoram hian group match hnuhnung berah Meghalaya an hmachhawn dawn. September 5, Inrinni zing dar 8:15-ah an khel ang.