Wimbledon semifinalist a tla nghal

Britain tennis player Arthur Fery-a'n Wimbledon-ah semifinal hial thleng mah se US Open a khelh hmasak berah seeded no. 13 Lorenzo Musetti hneh loin a tla nghal. Musetti hi 6-3, 6-3, 7-5 in an chak a, hnehna chang turin harsatna a tawk lo.

Kum 24 mi Fery hian Wimbledon-ah semifinal hial a thlen avangin world ranking 114-na aṭangin world no. 33-ah a invawrh chho. Mahse, US Open-ah world no. 32 chin hi seeded-ah dah a ni a, first round-ah player ṭha zinga mi Musetti a hmachhawn avangin a vanduai.

Fery chuan, "Hmasawnna tur ka ngah a, court chhung ka luh aṭang khan insiamṭhat tur ṭhahnem tak ka hre nghal. Ka serve a ṭha tawk lo a, tun hnaiah hian ka serve-ah hian ka buai deuh hrim hrim," tiin a sawi a, US Open khelh chu inzirna ṭha tak a nih thu a sawi.