Andreeva a chak nuamsa

US Open first round-ah seeded no. 5 Mirra Andreeva chuan nimin zing khan Janice Tjen chu 6-2, 6-2 a hnehin second round a lut. Russian nula Andreeva hian zanin hian Eva Lys nen an inhmachhawn lehnghal ang.

Kum 19 mi Andreeva hian kum French Open-ah nomawi a chawi a, US Open-a a thlensan ber chu third round chauh a ni. Tun ṭum hi Andreeva tan hming chherna hun ṭha a ni a, chutihrualin seeded sang pali Aryna Sabalenka, Elena Rybakina, Jessica Pegula leh Coco Gauff te an la dam vek.

Sabalenka hian tukin hian Polina Iatcenko a hmachhawn dawn a, zanin hian seeded no. 2 Rybakina hian Jessica Bouzas Maneiro a hmachhawn thung ang.